America Telugu Kathanika First Volume

Product details

కేవలం కల్పితమయిన కథలుకూడా ఉన్నాయి- స్వర్గారోహణం, యాదృచ్చికం, ఆవగింజ అంతర్యం, గిరీశం ఇన్ వైట్ హౌస్, నిన్ను నీవు మరువకుము, కటిక చీకట్లో కాంతి వర్షం.

ఈ సంకలనం ఎందుకు? అని ఎవరయినా ప్రశ్నిస్తే చెప్పే సమాధానం ‘ఇది మన సొత్తు’. మన మాతృభాషలో మనకున్న పరిచయాన్ని పోగొట్టుకోకుండా, మన ఆలోచనలని, మన సమస్యలని, మన అనుభవాలని ఆ భాషలో పదిల పరచటానికి ప్రయత్నిస్తున్న వారందరినీ ప్రోత్సహించటానికి, మనలో ఉన్న సాహిత్యాభిమానం సృజనాత్మక శక్తిగా అవతరించే అవకాశాలు కల్పించటానికి.

ఇతర ప్రక్రియలతోబాటు ఈ రచనల రూపకంగా కూడా ప్రవాసాంధ్రుల సమస్యలు, సంతృప్తులు అందరికి తెలుస్తాయి గదా!

ఈ రచయితలలో అందరూ తెలుగు భాషా పండితులు కారు. కాని వీరు తమభావాలని తాము వాడుకునే, వాడగలిగే భాషలో వ్రాయగలిగిన వారు. ఈ రచనల్లో గ్రాంథిక భాష ఉంది, వ్యావహరిక భాష ఉంది. తెలుగుతో పరిచయం సన్నగిలడంవల్ల అలవాటయిన పరభాషా సమన్వితమయిన భాష ‘మహాంధ్రం’లో కూడా వ్రాయబడింది. భావ ప్రకటనే ప్రధానంగా వ్రాయబడిన ధోరణి, శైలి కొట్టొచ్చినట్టు కనిపిస్తాయి ఈ కథల్లో.

కథలు వ్రాయటం, కథలు ప్రచురించటం, కథలు చదవటం అమెరికా ఆంధ్రుల నిత్య జీవితంలో మామూలైనప్పుడు అమెరికాలో కూడా తెలుగు భాష జీవిస్తోందని చెప్పుకోవచ్చును.

పెమ్మరాజు వేణుగోపాలరావు

సంపాదకుడు

అట్లాంటా, జార్జియా

జాన్ 18, 1995